Pas protestave të koptëve Egjipt: Liderët muslimanë bëjnë thirrje për unitet kombëtar

Ata i kërkuan kombit egjiptian që të mos bien pre e planeve dashakeqe të jashtme, të cilat punojnë për konflikte fetare dhe sektare në vend.

Shejhu i Ez’herit Ahmed Tajjib dhe myftiu i Egjiptit Ali Xhumua, u kanë bërë thirrje egjiptianëve, myslimanë dhe koptë për më shumë vetëpërmbajtje dhe unitet kombëtar. Ata i kërkuan kombit egjiptian që të mos bien pre e planeve dashakeqe të jashtme, të cilat punojnë për konflikte fetare dhe sektare në vend.

Shejhu i Ez’herit, në një deklaratë të bërë publike në orët e vona të natës, i dënoi aktet e dhunës dhe përpjekjet për të shkaktuar konflikte sektare mes vëllezërve të një kombi, nga qarqe të dyshimta.

Dr. Ahme Tajjib kërkoi që personat e përfshirë në ngjarjet e dhunshme dhe dramatike të ditëve të fundit, të dalin para ligjet dhe për ta të merren vendimet më ekstreme të ndëshkimit.

Menjëherë pasi shpërthyen ngjarjet e fundit, shejhu i Ez’herit kontaktoi me krerët më të lartë të kishës kopte, për të mos lejuar përkeqësimin e konfliktit.

Nga ana e tij, myftiu i Egjiptit, dr. Ali Xhumua e dënoi dhunën pranë radiotelevizionit shtetëror dhe tha se ajo që ndodhi nuk mund të shkaktonte nga persona fetarë, myslimanë apo të krishterë qofshin.