Myftiu i Egjiptit, shejh Ali Xhumua, ka theksuar se mbrojtja e Kudsit
(Jeruzalemit) është një ndër detyrat më të rëndësishme islame
aktualisht, pasi përbën flamurin e umetit, nëse bie, ka rënë i gjithë
umeti. Ai shtoi se heshtja ndaj judaizimit të qytetit dhe akteve
agresive ndaj xhamis Aksa janë të papranueshme. Këtë deklaratë, myftiu i
Egjiptit e bëri gjatë një takimi me ministrin palestinez të vakëfeve
dr. Mahmud Hebash. Myftiu u bëri thirrje qeverive dhe popujve arabë dhe
islamë, të pozicionohen qartë ndaj shkeljeve të njëpasnjëshme të
ushtrisë pushtuese ndaj vendeve të shenjta myslimane në Kuds
(Jeruzalem). Ai kërkoi që çështja e Palestinës të mos anashkalohej nën
hijen e ngjarjeve dhe zhvillimeve që përjeton rajoni. Ai vuri alarmin
ndaj planeve izraelite për judaizmin e qytetit të shenjtë, nëpërmjet
ndërtimit të kolonive, gjë e cila bie ndesh me të gjithë ligjet dhe të
drejtat ndërkombëtare.
Myftiu i bëri thirrje shtetit hebre që ti përgjigjet zërit të arsyes,
të vërtetës dhe drejtësisë. Ai tha se cenimi i shenjtërisë së xhamisë
Aksa, do të revoltojë mbi njëmilard e gjysmë myslimanë në të katër anët e
botës.
(AO)
Thu 23 Mar 2023 - 2:31 nga 
