Të paktën 10 të plagosur nga tre incidente të dhunshme në Maqedoni
Të paktën 10 persona, mes të cilëve maqedonas dhe shqiptarë u plagosën në tre incidente të dhunshme që ndodhën në Shkup.
E premte 9 Mars 2012 9:45
Të paktën 10 persona, mes të cilëve maqedonas dhe shqiptarë u plagosën në tre incidente të dhunshme që ndodhën në Shkup duke rritur frikën për një përkeqësim të situatës mes dy komuniteteve, njoftoi një burim zyrtar.
"Nuk përjashtohet mundësia se ndonjë kërkon përkeqësimin e marrëdhënieve ndëretnike në Maqedoni'', deklaroi Ministrja e Brendshme maqedonase, Gordana Jankulovska.
Ajo dënoi gjithashtu dhunën, pa i cilësuar incidentet me karakter etnik dhe bëri thirrje për qetësi.
"Ministria ka rritur praninë e policisë në Shkup për të dhënë një mesazh të qartë se dhuna nuk do të tolerohet'', theksoi ajo.
Javën e kaluar, rreth 5 000 shqiptarë të Maqedonisë manifestuan në Gostivar për të denoncuar vrasjen e dy anëtarëve të komunitetit të tyre nga policia maqedonase.
Thu 23 Mar 2023 - 2:31 nga 
Policia%20e%20maqedonise%20050811.jpg)
