Gjatë emisionit të tij të përjavshëm “Sheriati dhe jeta” në kanalin
Alxhazira, shejh Jusuf Kardavi e dënoi masakrën e kryer nga forcat e
regjimit sirian dhe u kërkoi vendeve arabe ti ofrojnë mbështetje dhe
ndihmë ushtrisë siriane të lirë.
Njëkohësisht, ai i bëri thirrje Ligës Arabe, Konferencës Islame për
Bashkëpunim dhe Kombeve të Bashkuara që ti thonë “Stop” krimeve të
regjimit sirian. Ai tha se për atë që ndodhi në Hula, nuk duhet heshtur
në asnjë mënyrë dhe se i gjithë umeti mysliman është i obliguar të dalë
kundër zullumqarëve.
Shejh Kardavi u bëri thirrje të gjithë forcave ushtarake të regjimit
sirian, që të heqin dorë nga ky regjim mizor dhe ti bashkëngjiten
Ushtrisë Siriane të Lirë. Paralelisht ai u bëri thirrje të gjithë
qeverive arabe që të krijojnë një forcë ushtarake për mbështetjen e
luftëtarëve kundër regjimit sirian. Ai u kërkoi të gjithë predikuesve të
xhamive anembanë botës islame, që të luten me përgjërim për vëllezërit e
tyre në Siri. /ardhmeriaonline/
Thu 23 Mar 2023 - 2:31 nga 
