Ka pasur shumë projekte për të zgjeruar kapacitetet e Xhamisë së Madhe, por ky i fundit do të jetë më i madhi. Mesxhid-ul-Harami (Xhamia e Madhe) në Mekke, ku miliona myslimanë nga e tërë bota mblidhen çdo vit për të kryer haxhin, do të jetë e gatshme të akomodojë rreth 10 milion vizitorë, pas zgjerimit që pritet të përfundojë së shpejti.

Aktualisht 52.000 myslimanë mund të bëjnë Tavaf rreth Qabes në një orë. Kjo shifër pritët të ngritët në 130.000 me projektin e ri.

Projekti aktual është duke u realizuar në dy faza. I pari që filloi në 2009, përfshinte demolimin e 2350 hoteleve, zyrave dhe ndërtesave rreth xhamisë, me 1900 ndërtesa që priten të demolohen së shpejti.

Qeveria Saudite u ka paguar çmime deri në 130.000 dollarë për metër katrorë pronarëve të ndërtesave rreth Qabes në këmbim të shpronësisë, shumë që sjell totalin në 10 miliard dollarë.

Faza e dytë që është duke u kryer tani përfshin zgjerimin e hapësirës për namaz.

Hotelet që do të ndërtohen në afërsi pritet të akomodojnë rreth 200.000 haxhilerë.

Sa i përket lehtësimit të transportit, autoritetet saudiane kanë futur në shërbim trenat kinez të prodhuar në vitin 2010. Pasi të jetë plotësisht funksionale, hekurudha Saudite pritët të lehtësojë transportin e haxhilerëve që më parë bëhej me autobusë dhe vetura duke larguar nga rrugët së paku 53.000 autobusë.

Aktualisht Qaben e vizitojnë rreth tre milion haxhilerë çdo vit, ndërsa pasi të jetë kryer projekti i ri pritët që ky qytet mund të presë deri në dhjetë milion haxhilerë./mesazhi/