syria%20casualties.jpg)
Observatori Sirian për të Drejtat e Njeriut të premten u bëri thirrje vëzhguesve të Kombeve të Bashkuara për t’i dhënë fund dhunës në Siri apo të largohen nga vendi ku mbi 100 njerëz janë vrarë vetëm gjatë dy ditëve të fundit.
Së paku 40 persona u vranë të Premten, raporton El Arabija duke cituar Këshillat e Koordinimit Lokal.
“Detyra e vëzhguesve ndërkombëtarë është kthyer në dëshmitar të vrasjeve,” thuhet në raportin e organizatës nga Londra, e cila dënon dhunën në rritje pavarësisht pranisë së ndërkombëtareve.
“Vlen të theksohet se numri i viktimave është rritur në mënyre dramatike gjatë muajit të fundit,” thotë Observatori.
Të enjten së paku 84 njerëz kanë vdekur nga përleshjet dhe bombardimet nëpër Siri, 48 prej të cilëve civilë.
“Ne u bëjmë thirrje vëzhguesve ndërkombëtarë për të punuar në zbatimin e menjëhershëm të planit të Kofi Annanit dhe të vihet armëpushimi në mënyrë që të ndalohen vrasjet në Siri, apo të kthehen në shtëpitë e tyre.”/mesazhi/
Thu 23 Mar 2023 - 2:31 nga 
