Ministri i Jashtëm turk Ahmet Davutollu, vlerësoi revolucionin e Egjiptit dhe zgjedhjet, por paralajmëron se kjo është vetëm fillimi i një procesi të gjatë të ndryshimit.


Kryengritja e Egjiptianëve ishte “një model botëror i ndërgjegjes njerëzore” tha Davutollu për ArabSkynews sot.

Faza kalimtare paqësore e vendit, në krahasim me Sirinë dhe Libinë tregon se Egjipti është “truri” i botës arabe, shtoi ai.

Megjithatë, zgjedhja e presidentit nuk është fundi i rrugës por është vetëm fillimi i një procesi të gjatë, paralajmëroi Davutollu.

Përveç kësaj, ai inkurajoi presidentin Dr.Muhamed Mursi, një ish anëtar i lartë i Vëllazërisë Muslimane, për të punuar me të gjitha forcat shoqërore dhe politike.

Ankaraja është e gatshme të mbështesë popullin egjiptian dhe qeverinë në ndërtimin e një sistemi të konsoliduar demokratik, tha Davutollu.

Kryeministri turk, Rexhep Tajip Erdogan kishte vizituar Kajron shtatorin e kaluar ku kishte takuar krerët e Këshillit të Lartë të Forcave të Armatosura (SCAF), dhe figura tjera politike dhe intelektuale, dhe gjatë një interviste për Dream TV kishte kërkuar nga Partia për Liri dhe Drejtësi (FJP), që është krah i lëvizjes së Vëllazërisë Muslimane, që të përqafonin shtetin laik.

Ai kishte thënë se ata duhet të lejojnë njerëzit të zgjedhin nëse donë të jenë apo jo fetar, duke shtuar se ai është një “Kryeministër Musliman i një shteti laik.”/mesazhi/