Izraeli po përparon në procesin e ndërtimit të rreth 1000 shtëpive në Jeruzalemin Lindor, nën një plan të ri të përshpejtuar për të shtrënguar kontrollin e saj në territorin palestinez, territor ky që këta të fundit kërkojnë ta kenë si kryeqytet të Palestinës.

Komiteti Qeveritar për Planifikim e vendosi projektin në një fazë më të avansuar, ku po kërkon nga kontraktorët që të paraqesin ofertat e tyre për ndërtim, tha të martën Ministria e Brendshme.

Pasi të janë dhënë ofertat, ndërtimi mund të fillojë në projektin e zonën Gilo, edhe pse mund të duhen disa muaj, në mos më shumë, për të arritur këtë synim.

Një shtesë me 300 njësi banimi mund të ndërtohet pas planifikimit të mëtejshëm, tha avokati Daniel Seidemann, një ekspert ndërtimin në Jeruzalem që sheh ndërtimet si një pengesë ndaj paqes. Rreth 40.000 izraelitë jetojnë në rajonin Gilo.

Nabil Abu Rdeneh, një zëdhënës i presidentit palestinez Mahmoud Abbas, tha se njoftimi i Izraelit për fillimin e punimeve është "vija e kuqe" që do të bllokojë mundësinë për një zgjidhje me dy shtete.

"Autoriteti Palestinez do të marrë të gjitha mjetet e mundshme në dispozicion për t'u përgjigjur për këtë," tha Abu Rdeneh.Deklarata ishte postuar në faqen zyrtare të agjencisë palestineze të lajmeve “Wafa”.

Shtëpitë e sapomiratuara janë në mesin e më shumë se 5.000 shtëpive të reja në lindje të Jerusalemit.

Palestinezët nuk e njohin pushtimin e territorit izraelit që ndodhi në vitin 1967, dhe thonë se çdo ndërtim izraelit minon pretendimet e tyre për Palestinën. Bashkësia ndërkombëtare nuk e ka njohur pushtimin e Jerusalemit Lindor që ndodhi në vitin 1967.

Mesazhi/A.Avdiu-Hoxha