[Lajmet Ditore] Izraeli jep urdhër për dëbim të 40 familjeve palestineze

Autoritetet komunale izraelite kanë dhënë urdhër për dëbimin e 40 familjeve palestineze dhe rrënimin e shtëpive të tyre, të cilët jetojnë në Jabal Baba në qytetin Al-Eizariya, në lindje të Al-Quds(Jerusalemin lindor të okupuar), ka thënë një aktivist lokal të hënën. “Ushtria izraelite u ka dhënë familjeve afat që deri më 2 mars të evakuohen nga rajoni,” tha Hani Halbiyeh, zëdhënës i Komitetit për Rezistencë Popullore, për Agjencinë Anadolu. Sipas njërit prej banorëve, familjet palestineze kanë jetuar në Jabal Baba pasi ata janë zhvendosur nga fshatrat e tyre në vitin 1948, kur i pushtoi Izraeli. “Ata duan të na evakuojnë, dhe ne nuk kemi ku të shkojmë. Ata na zhvendosen njëherë dhe nuk do ta bëjnë përsëri,” tha ai për AA. “Unë kam shtatë fëmijë të cilët do të mbesin pastrehë. Cili ligj në botë do të pranojë këtë?” Izraeli aktualisht kërkon të nxjerrë fiset lokale palestineze nga shtëpitë e tyre në këtë zonë për të krijuar hapësirë për ndërtim të një barriere që do të ndajë fshatrat e Ebu Dees, Eizariya dhe Swahreh nga Al-Quds./mesazhi/:

[Lajmet Ditore] Izraeli jep urdhër për dëbim të 40 familjeve palestineze :: Komentet