1%20(3).jpg)
Egjipt, Kajro
Dyqanet egjiptiane të pijeve alkoolike janë nën presion për të ndaluar shitjen e alkoolit, jo nga qeveria e vendit, por nga vetë shoqëria.
Raftet e një lokali në Kajro posedojnë, birrë dhe pije alkoolike, por ato janë të padukshme nga rruga.
Pronari thotë se ka mbuluar dritaren me fletë metalike për të shmangur zemërimin e banorëve të Kajros.
Ashtu si shumë pronarë të pijetoreve në Egjipt, Aziz thotë se “humori” ka ndryshuar në mënyrë drastike që prej kryengritjes së 2011 që përmbysi Hosni Mubarakun dhe solli myslimanët në pushtet.
"Nuk ka kufizime nga qeveria mbi shitjen e alkoolit," tha Aziz për AFP. "Janë njerëzit ata që nuk e duan alkoolin."
Konsumimi i alkoolit është i ndaluar sipas sheriatit, i cili është burimi kryesor i legjislacionit në përputhje me kushtetutën e re të Egjiptit.
Qeveria ka dyfishuar taksën e birrës në 200 për qind këtë muaj, dhe tatimet mbi pijet e tjera alkoolike kanë shënuar rritje prej 100 për qind në 150 për qind.
Në shkurt, autoritetet vendore thanë se do të ndalojnë lëshimin e licencave për lokalet e alkoolit.
Por autoritetet thonë se ka udhëzime formale për ndalimin e shitjes së tij.
Përkundër mungesës së kufizimeve zyrtare, shumë dyqane të pijeve nuk vënë reklama për shkak të mospëlqimit nga shoqëria.
Ndërkohë Mohammed Zeidan, një zëdhënës i Partisë për Liri dhe Drejtësi (FJP) - krahu politik i Vëllazërisë Myslimane - insiston se në Islam "çka është e lejuar është e qartë, dhe ajo që është e ndaluar është e qartë."
Ai tha se ligjet aktuale nuk përfaqësojnë pikëpamjet e FJP.
"Ligjet që do të na kënaqin do të hartohen nga populli nëpërmjet anëtarëve të tyre të parlamentit," tha Zeidan.
Egjipti ka qenë pa parlament të plotë për pothuajse një vit pasi një gjykatë e lartë e shpalli atë antikushtetues për arsye teknike.
/mesazhi/
Thu 23 Mar 2023 - 2:31 nga 
