Vazhdon vandalizmi ndaj institucioneve islame në Londër. Të paktën 130 njerëz u desh të evakuoheshin nga një shkollë-konvikt islam në jug lindje të Londrës, kur një zjarr shpërtheu natën e kaluar. Policia tha se ata ishin duke e trajtuar incidentin në shkollën Darul Ulum, si të dyshimtë. Rreth 128 njerëz, që mendohet të kenë qenë nxënësit dhe personeli, u evakuuan menjëherë pasi zjarrfikësit mbërritën në vendngjarje. Dy burra u trajtuan nga askifkia për shkak të tymit, por nuk ka pasur raporte të tjera për të lënduar. Shkolla Darul Ulum është institucion shkollor i cili i ndihmon të rinjtë për të shqyrtuar dhe zhvilluar identitetin e tyre islam, si një pjesë e natyrshme e zhvillimit të tyre mendor, emocional dhe personal. Ajo është ndërtuar në vitin 1974 dhe përbëhet nga 130 dhoma konvikti, sallë namazi, palestër, laboratori shkencor, etj. Darul Ulum synon të përgatisë studentët myslimanë të jenë muslimanë të mirë dhe qytetarë të përgjegjshëm, për të mbjellë te nxënësit ndjenjën e disiplinës, për tu mundësuar atyre që të bëhen qytetarë të drejtë, të respektueshëm dhe të denjë për vendet e tyre përkatëse.[justify]
Thu 23 Mar 2023 - 2:31 nga 
