[Lajmet Ditore] Vëllazëria Myslimane uron Erdoganin

Vëllazëria myslimane e Egjiptit ka përgëzuar presidentin e zgjedhur turk Rexhep Tajip Erdogan për fitoren e tij në zgjedhjet presidenciale të së dielës. Në një deklaratë në faqen zyrtare, Vëllazëria uroi liderin turk dhe i uroi fat në postin e tij të ri. Grupi vazhdoi të thekson se presidenti i burgosur Muhamed Mursi - aktualisht në burg për akuza të sajuara penale, uron gjithashtu Erdoganin me anë të avokatit të tij. Këshilltari i Mursit për çështjet e medias, Ahmed Abdel-Aziz, i dërgoi një mesazh të ngjashëm urimi në emër të presidentit të rrëzuar dhe ish-ekipit të tij presidencial. Erdogan, tashmë kryeministër në largim, u zgjodh president të dielën me një shumicë të drejtpërdrejtë, duke siguruar 51,96 për qind të votave, sipas rezultateve jozyrtare. Pa dhënë numrin e saktë, Bordi i Lartë Zgjedhor i Turqisë konfirmoi të dielën vonë se Erdogan kishte fituar zgjedhjet plotësisht, duke eliminuar nevojën për balotazh. Erdogan, i cili u zgjodh për një mandat pesë-vjeçar, do të marrë përsipër postin nga presidenti që po largohet, Abdullah Gul. /mesazhi/ :

[Lajmet Ditore] Vëllazëria Myslimane uron Erdoganin :: Komentet