[Lajmet Ditore] Libi, bie aeroporti i Tripolit

Parlamenti i sapozgjedhur i Libisë e ka quajtur terroriste aleancën e milicive, e cila ka njoftuar pushtimin e aeroportit ndërkombëtar të Tripolit. Sipas ligjvënësit, aleanca është tashmë një shënjestër legjitime e Forcave të Armatosura. Në aleancë bëjnë pjesë islamikë dhe luftëtarë nga qyteti i Misratas. Një zëdhënës i milicive tha se Parlamenti i ri është jolegjitim, ndërsa bëri thirrje ndaj ish-trupës qeverisëse të vendit, Këshillit të Përgjithshëm Kombëtar që dominohej nga islamikët, të ndërhyjë. BBC bën të ditur se ka raportime të pakonfirmuara për luftime të vazhdueshme mes grupeve të armatosura rivale në periferitë të qytetit, ndërsa janë dëgjuar edhe shpërthime. Vendi është përfshirë nga një konflikt i ashpër mes milicive rivale, që pas trazirave të 2011-s që mundësuan rrëzimin e liderit Muammar Gaddafi, në pushtet prej një kohe të gjatë. Disa qindra njerëz kanë vdekur nga shtimi i luftimeve së fundi.:

[Lajmet Ditore] Libi, bie aeroporti i Tripolit :: Komentet