[Lajmet Ditore] Stuhia e dëborës ngujon 60 milionë banorë në SHBA

New York City dhe Boston janë dy shtetet e para që janë goditur nga stuhia e dëborës, ndërsa shtete të tjera në lindje të Shteteve të Bashkuara të Amerikës kanë marrë masa për t’i paraprirë stuhisë së madhe që pritet të godasë këto vende. Niveli i dëborës në New York City dhe Boston ka shkuar deri në 60 cm brenda zonave urbane. Të prekura janë edhe Konektikat, Rhode Island, Masa Massachusetts dhe New Hampshire. Metrotë dhe shërbimet e tjera publike të udhëtimit në New York dhe Boston janë pezulluar, ndërkohë shërbimet e emergjencës janë vënë në dispozicion. Është parashikuar që stuhia të prekë zona me 60 milionë banorë, të cilëve paraprakisht u është bërë thirrje që të mos dalin nga shtëpitë. Në të gjithë shtetet e sipërpërmendura është shpallur gjendja e emergjencës, ndërsa ato që rrezikohen më shumë janë Pensilvania dhe New Jersey. Mbi 6500 fluturime janë anuluar në aeroportet e Bregut Lindor. Mijëra shkolla dhe biznese janë mbyllur të hënën dhe kjo situatë pritet të zgjasë deri të mërkurën.:

[Lajmet Ditore] Stuhia e dëborës ngujon 60 milionë banorë në SHBA :: Komentet