[Lajmet Ditore] ISH-PENGU I ISIS-IT: RRËMBYESIT NUK KISHIN ASNJË KURAN TË VETËM!

Se torturuesit e këqij të ISIS-it, nuk kanë lidhje me islamin e dëshmon edhe gazetari francez, Didier Francois, i cili thotë se ai ka takuar milicinë terroriste gjatë periudhës kur ai ishte peng për dhjetë muaj. Kur ai po mbahej në një spital në Aleppo, ai çdo ditë kishte dëgjuar dhe parë torturat e sirianëve dhe irakianëve vendas të cilët kishin përjetuar dhunë nga rregullat e ashpra të rrëmbyesve, transmeton Telegrafi. “Ne mund t’i shihnim ndonjëherë në dalje, kur na dërgonin në WC. Disa të gjakosur ishin të shtrirë në tokë”. Edhe ai vetë ishte rrahur deri disa herë. “Sigurisht që na kanë rrahur. Por jo çdo ditë. Është e vështirë për ta përshkruar dhe rikujtuar”, ka thënë ai. Gazetari ka vlerësuar se lufta e ISIS-it nuk ka të bëjë me fenë. “Ata as që flisnin ndonjëherë rreth fesë, vetëm rreth politikës. Çfarë ata besonin kishte të bënte më shumë me atë se çfarë ata mendonin se sa me Kuranin. Ata as që kishin një Kuran të vetëm – as që na kanë ofruar diçka të tillë”, ka thënë Francois. Francois ishte liruar prillin e vitit të kaluar, por rrallëherë ka treguar rreth kësaj përvoje. Ai është nga të rrallët pengje të ISIS që është liruar. /Telegrafi/:

[Lajmet Ditore] ISH-PENGU I ISIS-IT: RRËMBYESIT NUK KISHIN ASNJË KURAN TË VETËM! :: Komentet