aksa
Antarë-Fillestar
Numri i postimeve : 492
Data e regjistrimit : 13/04/2010
Mosha : 49
Nacionaliteti-Sheti : Suisse - Kosova
 | Titulli: Dispozita e sheriatit ndaj muzikës  Thu 3 Jun 2010 - 14:41 | |
| Ilahit me instrumente muzikore jan te ndaluara sipas sheriatit Es selamu alejkum
Dispozita e sheriatit ndaj muzikës
Lexues të nderuar:
Pasiqë All-llahu i Madhëruar e krijoi babain tonë Ademin a.s. dhe bëri që Melaiket ti bijen në  atij dhe ndodhija e Iblisit (Shejtanit) se si e kundërshtoi urdhërin e All-llahut dhe refuzoi të bije në , pastaj se si All-llahu e mallkoi shejtanin dhe e largoi nga
mëshira e Tij përgjithmonë dhe All-llahu e afatizoi Iblisin që të jetë gjallë deri në Ditën e Kijmetit, në këtë moment u betua Iblisi i mallkuar se do të mundohet t’i humbë bijët e Ademit a.s. dhe se ai do t’i urdhërojë ata që tu afrohen gjynaheve dhe harameve të cilat i ka ndaluar All-llahu.
Thotë All-llahu azze we xhel: Përkujto kur Ne u thamë engjujve: "Bëni Ademit!" (në shenjë përshëndetjeje) e ata i bënë, me përjashtim të Iblisit. Ai tha: "A t'i bëj atij që e krijove nga balta?" (Mandej vazhdoi) Tha: "A e sheh (i tha Zotit) këtë që Ti e vlerësove mbi mua, nëse më lë të jetojë deri në Ditën e Kijametit, unë gjithsesi do t'i shfarosë pasardhësit e tij, më përjashtim të një pakice." [El-Isra, 61-62]
Pasiqë All-llahu e zbriti nga xhenneti Ademin a.s. dhe gruan e tij Havan ua tërhoqi vërejtjen prej Iblisit të mallkuar dhe All-llahu iu tregoi se ai është armik i tyre dhe i bijëve të tyre dhe i këshilloi që mos t’i nënshtrohen atij në asnjë gjë dhe i urdhëroi që të kapen për udhëzimin e All-llahut që do tua zbresë atyre.
Thotë All-llahu në Kur`an: “Po djalli i bëri që ata të dy të mashtrohen në atë (pemë ose Xhennetin) dhe i nxori ata nga ajo (e mirë) që ishin në të, e Ne u thamë: "Zbritni (dilni), jeni armik i njëri-tjetrit, e ju deri në një kohë në tokë keni vendbanim dhe dëfrim". E Ademi prej Zotit të vet pranoi disa fjalë (lutje), prandaj Ai ia fali (gabimin), Ai është Mëshirues dhe pranues i pendimit. Ne u thamë: "Dilni prej aty që të gjithë, e juve gjithsesi do t'u arrijë udhëzim prej Meje, e kush e pranon udhëzimin Tim, për ata nuk ka as frikë as që do të brengosen". [el, Bekare, 36-38]
Prej metodave me të mëdha që Iblisi i humbi robët e All-llahut dhe i bëri që të largohen nga rruga e All-llahut është muzika dhe kënga. Është betuar Iblisi se do ta bëj këtë mjet dhe metodë të tij këtë haram për ti larguar njerëzit nga përkujtimi i All-llahut dhe për ti humbur njerëzit.
Muzika dhe kënga janë shkaqet më të mëdha që njerëzit të largohen nga dëgjimi i fjalëve të All-llahut dhe mosndikimi i fjalëve të All-llahut në zemrat tona pasiqë kjo është kështu atëherë njeriu nuk mundet ta ndjekë udhëzimin e All-llahut subhanehu ve teala.
Çfarë ka ardhur në Kur`an sa i përket muzikës dhe këngës
Thotë All-llahu në Kur`an në suren Isra: “Dhe me alarmin e zërit tënd, mashtroje atë që mundesh prej tyre, me kalorësit e këmbësorët e tu thirri ata, përzieju me ta në pasuri dhe në fëmijë dhe premtoju atyre, po shejtani nuk u premton tjetër, përveç mashtrim. Në të vërtetë, ti nuk ke kurrfarë fuqie ndaj robërve të Mi. Mbrojtja e Zotit tënd është e mjaftueshme (për ata). [Isra 64-65]
Transmetohet nga Muxhahid ibni Xheber r.a që ka qenë Imam i komentatorëve të Kur`anit në kohën e tij, i cili tridhjetë herë e ka pyetur ibni Abbasin për secilin ajet në Kur`an, ka thënë në këtë ajet “për zërin e Iblisit”: ai është muzika, kënga, fyelli dhe dëfrimi i kotë.
Thote ibni Kajjimi r.a. : S’ka dyshim se muzika është prej zërave më të mëdhenj të shejtanit që me të i mashtron ai njerëzit, me të i shqetëson njerëzit. Muzika është e kundërta e Kur`anit, sepse me Kur`an qetësohen zemrat. Thotë All-llahu në Kur`an: Po ka nga njerëzit që blenë tregime boshe e më qëllim që t'i largojnë njerëzit prej rrugës së All-llahut pa pasur kurrfarë fakti dhe për t'i marrë ato (ajetet e) All-llahut si tallje. Për ta me siguri është përgaditur dënim i turpshëm. [Lukman, 6]
Transmetohet nga Abdullah ibni Mesudi r.a. i cili ka qenë më i dituri nga sahabët për librin e All-llahut Kur`anin. Thotë për vetëveten e tij duke qenë në minber në Kuffe (Irak) dhe të gjithë njerëzit që ishin aty ia pranuan fjalët e tij, thotë: “Pasha Atë që s`ka të adhuruar tjetër që meriton adhurimin përveç Tij, nuk ka sure (kaptinë) në librin e All-llahut, në Kur`an përveç se e di ku ka zbritur, dhe ska ajet në librin e All-llahut që ka zbritur veçse e di për kend ka zbritur, dhe sikur ta di se dikush tjetër është më i ditur se unë do ti hipi deves dhe do të shkoj tek ai për të mësuar. Kur është pyetur ky sahabi për lehvil hadith (tregime boshe), ka thënë: ajo është muzika dhe kënga, dhe thoshte: Pasha Atë që ska të adhuruar tjetër përveç Tij, dhe e përsëriste tri herë këtë fjali.
Gjithashtu nga ibni Abbasi r.a. dijetari i këtij ummeti komentatori i Kur`anit, imami i mufessirëve për të cilin ka bërë dua Pejgamberi a.s. me fjalët e tij duke thënë: “O All-llah mësoja komentimin e Kur`anit.” Ka thënë për “tregime boshe” “ajo është kënga, muzika dhe të ngjajshme me to.”
Gjithashtu nga Abdullah ibni Omeri r.a. që ka qenë dijetari i banorëve të Medinës dhe pasuesi më i madh i sunnetit, kur është pyet për “tregime boshe” ka thënë: Muzika dhe kënga. Edhe Xhabir ibni Abdullahi ka qenë dijetari i Medinës pas Abdullah ibni Omerit, kur është pyetur për “tregime boshe” ka thënë: Muzika dhe kënga dhe kënaqësia me to.
Kjo pra lexues të nderuar ishte në pika të shkurta se çka ka ardhur në Kur`an për muzikën dhe këngën.
Çfarë ka ardhur në sunnet për Muzikën
Thotë All-llahu në Kur`an:
“Çka tju japë Pejgamberi atë merrni, e çka t'ju ndalojë, përmbajuni dhe keni frikë All-llahun, se All-llahu është ndëshkues i ashpër.” [Hasher, 7]
Gjithashtu thotë All-llahu në Kur`an: “O ju që besuat, bindjuni All-llahut dhe respektoni të Dërguarin.” [Nisa, 59]
Transmetohet nga ebi Malik el Esharijj r.a. se e ka dëgjuar të dërguarin e All-llahut duke thënë: “Do të vinë njerëz në ummetin tim të cilët do ta lejojnë zinanë, prostuticionin, mëndafshin, alkoolin dhe instrumentet e muzikës.” Nga vet fjala në hadith që thotë: “do ti lejojnë” nënkuptojmë se ato janë të ndaluara. Dmth instrumentet muzikore të cilat janë të përhapura me shumicë në kohën tone, janë të ndaluara me hadith.
Transmetohet nga ibni Mesudi r.a. i cili ka thënë: Muzika e mbjellë dyfytyrësinë, nifakun në zemër ashtu sikurse e mbjellë uji bimën, dhikri e mbjellë imanin, besimin në zemër ashtu sikurse e mbjellë uji bimën dhe thoshte: Muzika është thirrje në zina (prostuticion). All-llahu na ruajt!
Çfarë kanë thënë katër imamët për muzikën
Ebu Hanifja ka qenë prej më të ashpërve në ndalimin e muzikës, dhe ndëgjimin e saj e ka bërë prej gjynaheve, ndërsa imam Maliku është pyetur për muzikën dhe ka thënë: Atë tek ne e bëjnë vetëm të prishurit, gjynahqarët, ndërsa imam Shafiu ka thënë për këngëtarin dhe këngëtaren: Nuk i pranohet dëshmija asnjërit prej tyre. Gjithashtu edhe imam Ahmedi r.a. e ka bërë ndëgjimin e muzikës të ndaluar me argumente nga Kur`ani dhe sunneti dhe fjalët e Sahabëve.
Ixhmai është bazë e tretë pas librit të All-llahut dhe sunnetit
Ixhmai është argumenti prerë që nuk bën të kundërshtohet. Thotë All-llahu në Kur`an: “Kush i kundërvihet të dërguarit pasi që i është bërë e qartë e vërteta dhe ndjek rrugë tjetër nga ajo e besimtarëve, Ne e lëmë në atë që ka zgjedhur (në dynja) e fusim në Xhehennem. Përfundim i keq është ai.” [Nisa, 115]
Në këtë ajet është bërë e qartë se ai i cili e ndjek ndonjë rrugë jashtë asaj çka e ndjekin besimtarët, vendi i tij përfundimi i tij do të jetë në xhehenem. All-llahu na ruajt!
Nëse e kuptove këtë lexues i nderuar dhe e mësove se IXHMAI është argument që nuk lejohet kundërshtimi i tij, parashtrohet pyetja: A është ndalimi i muzikës çështje që ka mundësi të ketë mendime të ndryshme tek dijetarët në këtë temë, apo është çështje që janë bashkuar dijetarët në ndalimin e saj?!
Përgjigja: S`ka dyshim se kjo çështje është që dijetarët e ehli-sunnetit, dijetarët e hakkut janë të bashkuar në këtë çështje se është haram muzika dhe kënga, duke u bazuar në Kur`an, sunnet dhe në fjalët e sahabëve dhe tabiinëve dhe ata që i pasuan ata me të mire. Kjo çështje është që s`ka nevojë për djalog dhe mendime të ndryshme.
Dhe në fund e kuptove vëlla i dashur dhe motër e ndershme dispozitën e sherjatit ndaj muzikës dhe këngës duke u mbështetur në librin e All-llahut azewexhel dhe në sunnetin e të Dërguarit të All-llahut aljhi selam dhe se nuk ka mbetur gjë tjetër vetëm se të pendohesh nga dëgjimi i muzikës dhe këngës me një pendim të sinqertë duke mos u kthyer më në këto gjynahe që i ka ndaluar All-llahu për besimtarët.
E lus All-llahun e Madhëruar që të na e mundësojë ta ndjekim atë rrugë që Ai është i kënaqur dhe që të na bëj prej atyre që fjalët tona ti pasojmë me vepër dhe që të na forcojë në hakk deri në takimin me Të. Amin.
Argumentet nga Kurani dhe Suneti janë të qarta në ndalimin e këngës dhe muzikës, po ashtu edhe fjalët e sahabëve, të tabiinëve dhe të dijetarëve të Sunetit tregojnë për ndalimin e këtyre gjërave që do t’i cekim më poshtë.
Argumentet nga Kurani
1. Allahu i Lartësuar thotë: “(Zoti) Tha (Iblisit): “Shko, e kush prej tyre
vjen pas teje, shpërblimi juaj është xhehenemi, shpërblim i plotë”. Dhe me atë alarmin e zërit tënd, mashtroje atë që mundesh prej tyre, me kalorësit e këmbësorët tu thirri (bërtitu) ata, përzieju me ta në pasuri dhe në fëmijë dhe premtoju atyre, po shejtani nuk u premton tjetër, përveç mashtrim.” (El Isra, 63-64)
Muxhahidi, ndër komentuesit më të mëdhenj më të mëdhenj të Kuranit ka thënë: “Ka thënë ibn Abasi, Allahu qoftë i kënaqur me të, se me zërin e shejtanit ka për qëllim këngën dhe fyellin dhe veglat e tjera muzikore.”
Dahaki ka thënë: “Zëri i shejtanit i përmendur në këtë ajet ka për qëllim zërin e fyellit dhe të daulles.”
2. Allahu i Lartësuar thotë: “Po ka nga njerëzit që blenë tregime boshe e
më qëllim që t'i largojnë njerëzit prej rrugës së Allahut." (Llukman: 6)
Ka thënë Muxhahidi (për të cilin kanë thënë se nëse të vjen komenti i Muxhahidit për ndonjë ajet, të mjafton): “Ky ajet ka për qëllim fjalët boshe dhe dëgjimin e këngës dhe të gjërave të tjera të ngjashme me të.”
Dhe ka thënë: “Është betuar Abdullah Ibn Mesudi, Allahu qoftë i kënaqur me të, duke thënë: “Pasha Allahun, që nuk e meriton adhurimin askush përveç Tij (tri herë është betuar kështu), ky ajet “që blenë tregime boshe” ka për qëllim këngën.”
3. Allahu i Lartësuar thotë: “A prej këtij ligjërimi (Kurani) po çuditeni? E po qeshni dhe nuk po qani? Duke humbur jetën tuaj (të çmuar) në lojë e dëfrim (në kotësi, muzikë etj)?” (En-nexhm, 59-61)
Akreme ibn Abasi, Allahu qoftë i kënaqur me të, ka thënë: “Es-semud” (lojë e dëfrim) është kënga në gjuhën e popullit Himjer, që është një prej fiseve arabe. Ka thënë ibn Abasi: “Ata thonë “Esmidi ja Fulane”, që nënkupton “këndo për ne”.
Akreme në komentin e këtij ajeti ka thënë: “Kur jobesimtarët dëgjonin Kuranin, fillonin të këndonin me qëllim që t’i largonin njerëzit nga dëgjimi i Kuranit me këngë dhe për këtë shkak ka zbritur ky ajet.”
Argumentet nga hadithet e Pejgamberit salallahu alejhi ue selem
1. Transmeton Ebu Malik el Eshari, Allahu qoftë i kënaqur me të, se e ka dëgjuar Pejgamberin salallahu alejhi ue selem duke thënë:
“Do të ketë prej umetit tim një popull që do ta lejojnë amoralitetin, mëndafshin, alkoolin dhe muzikën.” (Buhariu, nr. 5590)
Shejh Ebu Bekër El Xhezairi ka thënë: “Ky hadith tregon qartë se muzika është haram. Edhe sikur mos të kishte ardhur asnjë hadith tjetër ose ajet për ndalesën e muzikës do të mjaftonte ky hadith për ndalimin e muzikës e në veçanti për këngët në kohën e sotme, fjalët e të cilave janë të shëmtuara, përcillen me piano të ndryshme, kitare, tupanë, fyell, etj., të cilat e hijeshojnë këngën, po ashtu edhe me zëra të ndryshëm.” (Hukmul Islam fil Musika uel Gina f.27)
Shejh Albani, Allahu e mëshiroftë, kur e sqaron këtë hadith, thotë: “Ndalimi i muzikës në këtë hadith tregohet në dy fjalë:
1) Thënia e Pejgamberit salallahu alejhi ue selem: “Do të ketë prej umetit tim një popull që do ta lejojnë”,kjo fjalë është e qartë se këto gjëra që janë të përmendura në hadith, në mesin e tyre edhe veglat muzikore, janë të ndaluara dhe do të vijë një popull dhe do t’i bëjë hallall (të lejuara) ato.
2) Krahasimi i muzikës me gjërat që të gjithë dijetarët thonë se janë haram, si: imoraliteti (zinaja) dhe alkooli. Edhe sikur mos të ishte haram muzika, nuk do të ishte krahasuar me zinanë dhe alkoolin.
Pastaj ka thënë: “Dhe mos u mashtro o ti lexues i nderuar nga ajo që dëgjon nga disa persona të njohur dhe të afirmuar, të cilët i lejojnë veglat muzikore, sepse ata pasha Allahun japin fetva (përgjigje) duke i pasuar të tjerët dhe me fetatë e tyre janë duke ndihmuar epshet e njerëzve. Për këtë shkak ki kujdes o ti musliman dhe njihe Islamin tënd nga Kurani dhe Suneti i Pejgamberit salallahu alejhi ue selem dhe mos thuaj se ka thënë filani, sepse e vërteta nuk njihet nga personat. Duhet ta dish të vërtetën dhe pastaj t’i njohësh personat që e ndjekin të vërtetën.” (Silsile Sahiha 1/144)
2. Transmeton Ibn Ebi Ed-Dunja nga Enesi, Allahu qoftë i kënaqur me të, se Pejgamberi salallahu alejhi ue selem ka thënë: “Do të ketë në këtë umet nënçmime, shpifje dhe shëmtim dhe kjo do të ndodhë kur të pinë verë, të luajnë me këngëtare dhe të luajnë me këngë-muzikë (el-meazif).” (Termidhiu. Shejh Albani ka thënë se hadithi është sahih, shih Sahil el xhami es-sagir nr. 5467)
3. Transmeton Abullah ibn Omeri, Allahu qoftë i kënaqur me të, se Pejgamberi salallahu alejhi ue selem ka thënë: “Me të vërtetë, Allahu i Madhëruar ia ka ndaluar umetit tim alkoolin, bixhozin, birrën, tarabukun dhe lahutën.” (Taberaniu dhe Bejhakiu, kurse shejh Albani ka thënë se hadithi është shih. Shih Sahil El Xhami 1747) (Komenti i këtij hadithi është mar nga Ebu Bekër el Xhezairi në librin e tij “Risaletu shejh El Xhezairi f.28).
| |
|
