Lajmet Ditore

Analistët: Regjistrimi kërkon unitet dhe bashkëpunim ndërpartiak




Regjistrimi i popullsisë është proces shumë i rëndësishëm andaj partitë politike shqiptare domosdoshmërish duhet të bashkëpunojnë dhe t’i lënë anësh inatet dhe tentimet për të përfituar poenë politikë. Analistët politik Mersel Bilalli dhe Albert Musliu thonë se partitë duhet të angazhohen dhe kontribuojnë në sensibilizimin e popullatës që në fund regjistrimi të paraqes përbërjen reale të popullatës shqiptare që jeton në Maqedoni.
“Vetëm në këtë formë do të mund të nxjerrim në dritë realitetin ekzistues, pra edhe si segment ekonomik edhe si segment social po si çështje numerike që te ne është për shkak të situatës politike është shumë çështje e rëndësishme. Po kisha shtuar edhe diçka në lidhje me publikimin e rezultateve, jam I mendimit se për opinion duhet publikuar paralelisht edhe numrin e popullatës e cila është rezidente në Maqedoni por edhe atyre që kanë shtetësi efektive, pasi realisht Maqedonia është vend I cili është migrues për popullatën që punon dhe vepron jashtë”, deklaroi Mersel Bilalli, analist politik.
“Unë mendoj se të gjitha partitë politike shqiptare do të gjejnë gjuhë të përbashkët se interesi i tyre nuk duhet të jetë konfrontimi politik por duhet të jetë realizimi kualitativ i regjistrimit të cilin pastaj të dyja partitë politike mund ta përdorin në politikat dhe veprimet e tyre. Që partitë politike shqiptare të insistojnë që në entin statistikorë të Maqedonisë, përfaqësimi i shqiptarëve jo të jetë vetëm adekuat, por të jetë edhe profesional, me qëllim që rezultatet e regjistrimit të jenë kualitative edhe për shqiptarët”, tha analisti Albert Musliu.
Thirje për unitet kishte edhe nga partia politike shqiptare në pushtet BDI, megjithatë kjo që në fillim u kundërshtua publikisht nga PDSH-ja opozitare e cila kërkon që në vëzhgimin e regjistrimit të përfshihet edhe OSBE-ja, në të kundërtën do të ftoj shqiptarët në bojkot. Ndërkohë Demokracia e Re kërkon sqarime për ligjin e propozuar nga BDI dhe VMRO-DPMNE, dhe pyet se cili është roli dhe detyrat e komisionit shtetëror për regjistrim? Regjistrimi i popullsisë do të realizohet prej 1 deri më 15 prill të vitit të ardhshëm. Bedri Rexhallari

Përurohet xhamia "Kadi Çeshme" në Reçicë të Vogël, të Tetovës

Aty ku kombinohet modernja me tradicionalenNë Reçicë të Vogël, në Tetovë, me një solemnitet madhështor fetar dhe me pjesëmarrje të personaliteteve publike e fetare, më 7 shtator, ditën e martë, u lëshua në përdorim Xhamia ”Çeshma e Kadisë”. Xhamia “Kadi Çeshme” vjen me pamje të re para vizitorëve, pas rindërtimit të saj, që nga themeli.
Shkruan: Driton Dikena
Konturat e reja të kësaj xhamie përmbajnë linjat moderne, duke ruajtur disa veçori stilistike që përdorte dinastia e Abasitëve. Ngjyrat e theksuara, ku shquhet më së tepërmi ajo e arit, paraqesin një freski estetike dhe si të tilla ato nuk janë përdorur deri më tani në viset tona. Përceptimi vizuel i këtij tempulli të shenjtë do të përmblidhej në tri pika komplekse të shpehura, përmes ndriçimit, funksionalitetit dhe komoditetit. Freskia e brendshme e xhamisë i dedikohet ndriçimit natyral, që vjen nga qelqi, i cili arrin të pengojë depërtimin e ngrohtësisë diellore. Një atraksion i veçantë arkitektoniko-estetik është edhe kupola e vendosur mbi qelq, një përthyerje mjaft tërheqëse e dritave, përmes koloritit të ngjyrave.


“Kadi Çeshme”, në lagjen Reçicë e Vogël të Tetovës, është një nga xhamitë e rralla që ka ndjekur hap pas hapi ritmin e nevojave dhe kërkesave të besimtarëve për hapësirë dhe komoditet më të madh. Kronika e kësaj xhamie fillon qysh në vitin 1961, atëherë kur për ndërtimin e saj ishte falur trualli nga z. Servet Saliu. Por, dhëmbi i kohës ishte treguar i pamëshirshëm për konstruksionin e saj të dobët dhe në vitin 1984 shembet xhamia e vjetër dhe ndërtohet e reja. Kjo ndërhyrje ia zgjati për disa vite jetën këtij tempulli fetar, mirëpo kishte në vazhdimësi nevoja, që ajo, megjithatë të përmbushë kërkesat e popullatës, e cila nga viti në vit po shtohej.


Në vitin 2009/2010 ndodh kthesa më përmbajtësore e kronikës së kësaj xhamie. Filloi ndërtimi i saj që nga themeli, duke e shtuar sipërfaqen e truallit të xhamisë edhe për 350 metra katrorë. Xhamia e re “Kadi Çeshme” është dhuratë e familjes Destani. Kryefamiljari z. Lazim Destani, këtë tempull të shenjtë e dhuron në shenjë kujtimi dhe përkushtimi ndaj babait të tij të ndjerë Dalifit.

Ndërtimi i xhamive shpërblehet me xhenet
Kryetari i Bashkësisë Fetare Islame në Republikën e Maqedonisë, Haxhi Sulejman ef. Rexhepi theksoi, se Allahu fuqiplotë në Kur’anin madhështor thotë se xhamitë janë shtëpitë e Zotit dhe në ato adhurohet, përkujtohet, madhërohet vetëm Allahu fuqiplotë. “Në këto ditë të fundit të muajit të bekuar të Ramazanit jemi tubuar dhe ai që na ka tubuar është këtu afër meje, haxhi Lazim Destani, me veprën e tij madhështore edhe kombëtare e fetare. Është kënaqësi të qëndrosh në këtë vend dhe kënaqësi më e madhe është të bësh ibadet këtu. Pra, le ta dij Lazim Destani, se me siguri këtë bukuroshe që na ka dhuruar neve, këtë shtëpi të Allahut, do ta ketë qind për qind në jetë të përhershme. Kjo është kënaqësia më e madhe, ky është gëzimi më i madh duke i përjashtuar të gjitha punët tjera”, nënvizoi Rexhepi.


Kurse myftiu i myftinisë së Tetovës, Alifekri Ef. Esati, pasi citoi një ajet kuranor potencoi: ”Nuk do të fitoni mirësinë e Allahut fuqiplotë, derisa nuk jepni prej pasurisë që e keni më të dashurën. Çdo gjë që të jepni në rrugë të Allahut, Allahu e di atë”, nënvizoi se këtë punë të hairit, këtë vakëf që haxhi Lazimi ia dhuroi Bashkësisë Islame me objektin dhe tokën që bleu, Allahu ishalla e shpërblen me Xhennet.”


Ai nuk la pa përmendur edhe të gjithë ata besimtarë mysliman, të cilët prej fillimit kanë ndihmuar që në këtë vend të ngritet xhamia dhe kanë themeluar vakëf. Me këtë rast, imami i xhamisë Çeshma e Kadis, Aliriza ef. Ajdini, fjalën e tij e nisi me thënien e Pejgamerit Alejhi Selam, se kush ndërton një xhami në mëshirë që të arrijë kënaqësinë e allahut fuqiplotë, Allahu do t’i ndërtojë atij Xhenetin.


”Sot në këtë ditë të madhe të Ramazanit, xhemati i Kadi Çeshmës me krenari feston dy ndodhi të mëdha: përfundon agjërimi i muajit të Ramazanit dhe bëjmë inaugurimin e xhamisë së re. Xhaminë që sot e inaugurojmë trashëgon dy objekte, të cilat për një kohë shumë të shkurtër u ndryshuan”.


Në emër të kryetarëve të komunave të Pollogut përshëndeti kryetari i komunës së Tetovës Sadi Bexheti, i cili falënderoi familjen Destani për kontributin e dhënë në të gjitha sferat e jetës shoqërore, për të çuar përpara idealin tonë të përbashkët, për një Tetovë më të bukur, më të ndërtuar, duke ia dhuruar komunitetit edhe një tempull fetar.


Në të ardhmen, kjo xhami do të jetë simbol i tolerancës e raporteve të mira ndërfetare dhe ndërinstitucionale, ku do të dominojnë vlerat e çmuara të fesë islame, tha Bexheti.
L. Destani: E gëzofshim të gjithë xhaminë e re
Më pas donatori, Lazim Destani ia dorëzoi simbolikisht çelësat e xhamisë së re, myftiut të Myftinisë së Tetovës Alifekri ef. Esatit dhe me këtë akt, xhamia u bë pronë e Bashkësisë Islame.
Në shenjë falënderimi, myftiu Alifekri ef. Esati i dorëzoi z. Destanit mirënjohje, kurse kryetari i BFI, Haxhi Sulejman ef. Rexhepi një pikturë.

Me këtë rast, Lazim Destani pasi falënderoi për dhuratat modeste, tha se faleminderimi i takon Allahut fuqiplotë, që na mundësoi të jemi sot në këtë ditë të madhe në Xhaminë Çeshma e Kadisë.
“Kam nderin t’ju përshëndes juve, që jeni pjesëmarrës në këtë manifestim të përurimit të xhamisë “Çeshma e Kadisë”. Unë ndjehem i lumtur bashkë me familjen time, që mu dha mundësia ta ndërtojmë këtë xhami. Sot ua dhuroj juve dhe e gëzofshim të gjithë. Do të kemi mundësi të falemi, apo të dëgjojmë ezanin. Zoti i madh na shpërbleftë me shpërblimet e veta. Këtë dhuratë ia përkushtoj babait tim, i cili ka qenë anëtar i rregullt i kësaj xhamie. Pra, babë shpresoj se të kam gëzuar edhe ty”, tha Lazim Destani, donator i xhamisë “Çeshmja e Kadisë”.
Foto nga atmosfera:
.sig_cont { width: 230px; height: 220px; }