Lajmet Ditore

USHT, seminar i albanologjisë



70 studiues shqiptarë dhe të huaj. Seminari në fjalë, do të trajtojë tema nga më të ndryshmet me qëllim perfeksionimin e gjuhës dhe letërsisë shqipe. Organizatori i seminarit Dr. Fehari Ramadani falënderoi të gjithë kontribuuesit në fushën e gjuhës, historisë dhe etnologjisë. Në seminar pritet të lexohen rreth 50 kumtesa të studiuesve të ndryshëm. Seminari do të zgjasë deri në 14 Tetor, ndërsa në kuadër të tij, të pranishmit do të realizojnë edhe vizita pranë monumenteve kulturore e historike të Tetovës.
“Shpresojmë që si edhe viteve të tjera të jetë një aktivitet i suksesshëm i cili do t’i kontribuojë shkencës së albanologjisë dhe përgjithësisht studimeve shkencore”, tha Agron Reka, rektor i USHT-sw.
“Nga ky seminar presim që të dalin rezultate të reja shkencore të cilat padyshim do i çojnë përpara studimet në fushat e letërsisë, historisë dhe etnokulturës shqiptare”, deklaroi Fehari Ramadani, organizator i seminarit. Alsat-M

Albin Kurti
Në një intervistë për emisionin ‘Studio e Hapur’, lideri Lëvizjes “Vetëvendosje” Albin Kurti, akuzon qeverinë e Shkupit se po diskriminon shqiptarët e Maqedonisë. Sipas tij, problem kryesor në vend, nuk është kontesti i emrit me Greqinë, por politika anti-shqiptare që po udhëhiqet nga Gruevski. Në Emisionin ‘Studio e Hapur’, që do të transmetohet sonte në ora 22.00. Kurti flet edhe për zhvillimet politike në Prishtinë, por edhe për idenë e tij për bashkimin e Kosovës me Shqipërinë.
“Është krijuar përshtypja që problemi kryesor I Maqedonisë është emri, a duhet të quhet Maqedoni, a duet të quhet IJRM, apo duhet të ketë ndonjë emër krejtësisht tjetër. Mirëpo mendoj se problemi kryesor i Maqedonisë, është karakteri i shtetit, i cili është nacional shovinist dhe i cili është një shtet anti-shqiptar. Kjo për shkak të diskriminimit, nënpërfaqësimit dhe shtypjes që iu bëhet shqiptarëve atje. Nëpër të gjitha institucionet publike, shoqërore dhe në të gjithë administratën shtetërore-shqiptarët janë të nënpërfaqësuar. Mandej buxheti republikan nuk iu ndahen njësoj komunave. Kjo bëhet varësisht nga përbërja demografike e tyre, a është me shumicë shqiptare apo maqedonase dhe se fundmi investimet ekonomike, nuk janë në mënyrë të barabartë të shpërndara”, u shpreh Albin Kurti, Lider i “Vetëvendosje”. Alsat-M

Asambleja e Përgjithshme e Kombeve të Bashkuara sot do të zgjedhë pesë anëtare të reja jo të përhershme të Këshillit të Sigurimit, të cilët nga 1 janari vitin e ardhshëm do t'i ndërrojnë Turqinë, Japoninë, Ugandën, Austrinë dhe Meksikën.
Kandidatë për anëtare të reja jo të përhershme janë India, Kolumbia, Afrika e Jugut, Portugalia, Kanadaja dhe Gjermania. Votimi është i fshehtë dhe pritet se do të ketë disa raunde për votim për shkak tw gjasave të barabarta të Portugalisë, Kanadasë dhe Gjermanisë.
Tani më është arritur marrëveshje me anëtaret e reja të tri rajoneve, kështu që India do ta ndërrojë Japoninë si përfaqësues i Azisë, Kolumbia do të jetë anëtare e re në vend të Meksikës nga territori i Amerikës Latine, ndërsa Afrika e Jugut do ta përfaqësojë Afrikën në vend të Ugandës.
Nga rajoni i Evropës Perëndimore dhe Amerikës Veriore në vend të Austrisë dhe Turqisë pretendojnë Gjermania, Kanadaja dhe Portugalia.
Këshilli i Sigurisë ka gjithsej 15 anëtare - pesë të përhershme dhe 10 jo të përhershme. Anëtaret jo të përhershme kanë mandat dyvjeçar, ndërsa zgjidhen çdo vit nga pesë anëtare të reja. Që një shtet të bëhet anëtare jo e përhershme e Këshillit të Sigurisë duhet të marrë mbështetje nga së paku dy të tretat e votave të anëtareve të Asamblesë së Përgjithshme.
Anëtare të përhershme të Këshillit të sigurisë janë Kina, SHBA-ja, Franca, Britania e Madhe dhe Rusia, ndërsa jo të përhershme për momentin janë Turqia, Japonia, Uganda, Austria, Meksika, mandati i së cilave skadon më 31 dhjetor të këtij viti, si dhe Bosnjë e Hercegovina, Brazili, Gaboni, Libani dhe Nigeria, mandati i së cilave skadon më 31 dhjetor të vitit 2011. /MIA/

Sekretarja amerikane e shtetit Hillary Clinton do ta vizitojë Kosovën të mërkurën në kuadër të turneut të saj në Ballkan.
Clinton turneun e saj e ka filluar me vizitën në Bosnjë e Hercegovinë, për të vazhduar në Serbi, ndërkaq të mërkurën do ta vizitojë shtetin e Kosovës.
Kjo do të jetë vizita e saj e parë në vendin tonë, ndërkaq gjatë mandatit të dytë të presidentit Bill Clinton, ajo ka vizituar refugjatë kosovarë në Maqedoni.
Ndryshe, zyrtarë të lartë të Protokollit të Departamentit amerikan të Shtetit në bashkëpunim me zyrtarë vendor që nga e premtja janë marrë me përgatitjen e vizitës së shefes së diplomacisë amerikane.
Ndryshe, tashmë në Kosovë vërehet atmosferë ngrohëse pritëse për sekretaren amerikane të shtetit. Flamuri amerikan dhe ai i Kosovës dhe “billbordat” me figurën e sekretares amerikane të shtetit vërehen kudo në kryeqytet.
Shefja e diplomacisë amerikane thuhet se do të inkurajojë liderët në Prishtinë dhe Beograd që të vendosin bashkëpunim dhe të normalizojnë marrëdhëniet në bisedimet që pritet të nisin pas mbajtjes së zgjedhjeve parlamentare në Kosovë.
Pas vizitës në Kosovë, Clinton do të takohet me udhëheqës të Bashkimit Evropian. /Telegrafi/

Kryeministri izraelit propozoi pezullimin e ndërtimit të kolonive në Bregun Perëndimor në shkëmbim të njohjes së Izraelit si atdhe i hebrenjve nga ana e palestinezëve, por propozimi u hodh poshtë nga palestinezët.
Zëdhënësi i presidentit të Autoritetit palestinez, Mahmud Abas, tha se çështja fare nuk ka të bëjë me vazhdimin e bisedimeve paqësore.
Bisedimet izraelito-palestineze të ndërmjetësuara nga SHBA-të filluan në shtator në Uashington.
Por vazhdimi i tyre u vu në dyshim nga refuzimi i palestinezëve që t’i vazhdojnë bisedimet nëse Izraeli nuk e zgjat moratoriumin e ndërtimit të kolonive në Bregun Perëndimor, tokë që palestinezët shpresojnë ta përfshijnë në shtetin e ri të Palestinës. /REL/

Po numërohen orët mbi gropën në minierën San Hoze në pjesën veriore të Kilit. Nëse gjithçka shkon sipas planit, mëngjesin që vjen bota do të mund të shohë minatorin e parë të dalë në sipërfaqe. Gjithsej 33 minatorë prej 68 ditës qëndrojnë të bllokuar 700 metra nën tokë. Pas një rrëshqitje dheu, më 5 gusht, dalja e minierës së arit dhe bakrit, u bllokua. Nxjerrja e një minatori përmes hapjes vertikale duhet të zgjasë rreth 15 minuta.
“Na thanë së janë në disponim të mirë dhe se janë shumë të lumtur kur i pyetëm se si ndihen në vetëm disa orë para fillimit të aksionit historik të shpëtimit, i cili nuk është parë ndonjëherë deri tani në historinë e inxhinierisë dhe të shpëtimit të minatorëve”, theksoi Alehandro Pino, nga asociacioni për siguri të Kilit.
Qeveria e Kilit nxori vendim që së pari të nxirren ata minatorë që janë në gjendje më stabile psikike, pasi nxjerrja mund të shkaktojë klaustrofobi. Tubi-ashensor nëpërmjet të cilit do të tërhiqen minatorët është vetëm 50 centimetër i gjerë. Pas nxjerrjes, minatorëve do t’u ofrohet ndihma mjekësore.
“Shtretërit janë gati, gjithashtu edhe aparatura dhe personali. Në çdo shtrat do të ketë bombola oksigjeni dhe aparaturë për ndjekjen e parametrave të tyre shëndetësorë”, tha Haime Manaliç, ministër i shëndetësisë i Kilit.
Pasi të nxirren, çdo minator do të transferohet me helikopter për në spital, në qytetin më të afërt Kopiapo, rreth 15 minuta fluturim prej minierës San Hoze. Në pritje të nisjes së operacionit të nxjerrjes, kampi mbi gropën po mbushet me mijëra shokë dhe familjarë të minatorëve, si dhe qytetarë që duan t’u japin përshëndetjen e parë. Pasi të nxirren, minatorët i presin aktivitete të gëzueshme. Ata janë ftuar të marrin pjesë në ndeshje futbolli në Spanjë dhe Britani. Një manjat anonim i minierave, ka vendosur t’i dhurojë nga 10 mijë dollarë çdo minatori, ndërsa do t’u organizohet edhe një pushim, në një nga ishujt grekë në detin Egje. Ivan Bllazhevski

Lideri i BDI-së Ali Ahmeti në një intervistë për Alsat ka dhënë detaje lidhur me vizitën e fundit në Bruksel, ku nga zyrtarët e Bashkimit Evropian mori mesazhet për zgjidhjen e shpejt të çështjes së emrit. Duke folur për vijat e kuqe të BDI-së lidhur me zgjidhjen e kontestit me Greqinë, Ahmeti tha se partia e tij është pjesë e qeverisë për të zgjidhur e jo për të shkaktuar probleme. Në këtë intervistë, Ahmeti flet edhe për statusin e ish-pjestarëve të UÇK-së, koalicionin qeveritar, zgjedhjet e parakoshme, regjistrimin e popullsisë si dhe për çështje tjera.
“Ka një shqetësim për zvarritjen e zgjidhjes së çështjes së emrit të shtetit si pengesë e vetme thuan që është përsëritur në të gjitha takimet, është bërë një apel, thirrje që ne të angazhohemi sa më shumë me fqiu tonë Republikën e Greqisë për të gjetur kompromis zgjidhje të tejkalohen pengesat. Sa i takon vijës së kuqe apo durimit të BDI-së, unë mendoj se ne kemi hyrë në këtë koalicion në këtë bashkëqeverisje për të kontribu dhe për të zgjedh problemet, jo për të shkaktu probleme dhe i gjithë angazhimi dfhe kapacitetet politike , njerëzore të BDI-së janë të angazhuar dhe punojnë që të jenë të dobijshëm në zhvillimin e proceseve dhe shpresojmë se të gjtiha energjitë pozitive që drejtohen në këtë fushë veprimtarie me në fundtë arrijmë suksesin e pritshëm që vendi ynë të tejkalojë vështirësitë dhe sa më parë të jetë pjesë e NATO-s po edhe të fillojë negociatat për anëtarsim në BE-së ”, thotë Ali Ahmeti, Kryetari I BDI-së.

Projekti për ndërtimin e gazsjellësit “Përroi jugor” i cili duhet t’i tejkalojë Ukrainën dhe Bjellorusinë, ka hasur në vështirësi. Për momentet e reja personalisht kanë biseduar edhe kryeministrat e Italisë Silvio Berluskoni dhe i Rusisë Vladimir Putin. Problemi tash është Bullgaria. Gjegjësisht, sipas analizës së bërë nga agjencia Fokus, projekti për gazsjellësin iniciatorët e së cilës janë Roma dhe Moska dhe i cili duhet që drejt Evropës të bartë gaz natyror rus, ka hasur në një lloj bllokade nga ana e Bullgarisë. Përndryshe, Sofja dëshiron që kompanitë bullgare ta ndërtojnë rrjetin, të ketë qasje në kreditë e ndryshme preferenciale, çmimi i gazit për shfrytëzuesit final në Bullgari të jetë më i lirë, etj. Kryeministri italian Berluskoni paralajmëron se në periudhën e ardhshme do të ketë përpjekje më të mëdha diplomatike që të bindet vendi problematik, i cili nuk deshi që në mënyrë direke ta përmendi që të mos shkaktojë vështirësi për projektin. Njëkohësisht nga kompania ruse “Gasprom” thonë se janë duke punuar që “ Përroi jugorë” të fitojë statusin e rrjetit trans-evropian ashtu siç është edhe projekti “ Përroi verior”, me çka do të hapet rruga për përfundimin e tij më të shpejtë. Ivan Bllazhevski

Hetimet për 52 viktimat e sulmeve terroriste të 7 korrikut në metronë e Londrës janë hapur, pesë vjet pas goditjes më të rëndë që ka marrë kryeqyteti britanik në kohë paqeje. Seancat dëgjimore do të jenë shqyrtimi I parë publik për shpërthimet dhe ngjarjet që i pasuan ato.
Familjarët e viktimave dhe të mbijetuarit e sulmeve për një kohë të gjatë kanë kërkuar një hetim publik, pasi konsideronin se versioni zyrtar kishte qenë i pamjaftueshëm dhe i pasaktë. Kërkesat e tyre morën peshë nga rrëfimet e mëvonshme, sipas të cilave autorët e sulmeve me bombë kishin qenë në radarët e shërbimeve sekrete, por këto të fundit nuk i kishin konsideruar si kërcënim serioz.
Katër islamikë britanikë shpërthyen katër bomba artizanale në tre linja të ngarkuara metroje dhe në një autobus në një sulm që mori jetën e 52 personave.
Policia ka ruajtur versionin se të akuzuarit kanë pasur ndihmë nga persona të tjerë të lidhur me Al Kaedën. Sidoqoftë, askush nuk është shpallur fajtor për përfshirjen në këto sulme, madje dhe tre persona të arrestuar vitin e kaluar janë liruar nga akuzat për bashkëpunim. Alsat

Oficeri i policisë i akuzuar për vrasjen e një djali shkolle 15 vjecar në Athinë gjatë protestave të vitit 2008, është dënuar me burgim të përjetshëm, pasi është shpallur fajtor nga gjykata. Djali, Alexandros Grigoropoulos, vrasja e të cilit ndezi një valë të fuqishme protestash në Greqi, u vra gjatë një demostrimi kundër qeverisë më 6 dhjetor 2008, në një lagje të Athinës.
Gjykata në qytetin e Amfisës ka marrë në shqyrtim akuzën për vrasje ndaj oficerit të policisë, 38-vjecarit Epaminondas Korkoneas i cili u gjet fajtor. Masa e dënimit pritet të shpallet brenda ditës.
Anëtari tjetër i patrullës që u përfshi në vrasje, Vassilios Saraliotis, 32 vjecar është shpallur fajtor për bashkëpunim dhe ka marrë dënimin me dhjetë vjet burg. Siç raporton BBC, ky është verdikti që pritej nga familjarët e djalit të vrarë, dhe mbyll një kapitull të errët në historinë e Greqisë, atë të një përplasjeje sociale, më e madhja në katër dekadat e fundit.
Verdikti i gjykatës ka qenë 4 me 3 në favor të shpalljes fajtor të Korkoneas për vrasjen me dashje të 15 vjecarit. Oficeri i policisë me këtë vendim rrezikon dënimin me burg të përjetshëm. Alsat