Qendrimi i udheheqesit te Vellezerve Musliman per zgjedhjet

Udhëheqës i përgjithshëm i lëvizjes “Vëllezërit Musliman”, në konferencën e tij për gazetarë flet rreth manipulimit të zgjedhjeve parlamentare 2010 në Egjipt

Më lejoni që në fillim të shkëpus dy pjesë prej fjalimit tim të cilin e kam mbajtur kur e shpallëm pjesëmarrjen tonë në zgjedhjet parlamentare 2010, më 09/10/2010, kur unë i përcaktova synimet kryesore nga hyrja jonë në zgjedhje, citoj:
"Ne kur morëm vendimin për pjesëmarrje në këto zgjedhje, dëshironim që ta lartësojmë vlerat pozitive në shoqëri, dhe domosdoshmëria që populli t’i shfrytëzojë të drejtat e tyre kushtetuese dhe ligjore, po ashtu stopimin e korrupsionit dhe të korruptuarve, si dhe mos lejimin e fushës politike si një terren pjellor për manovrimet e tyre pa ndonjë llogaridhënie dhe mbikëqyrje, si dhe lartësimin e dëshirës së popullit për umetin, si dhe fiksimin e ligjit të “mbrojtjes” në univers: "Dhe sikur All-llahu të mos i mbronte njerëzit me disa prej disa të tjerëve, do të shkatërrohej toka, po All-llahu është bamirës i madh ndaj njerëzimit." [ el-bekareh 251]

Për këtë iu drejtova qeverisë me një shkresë duke ju thënë:
"Ne i bëjmë thirrje qeverisë së tanishme që të merr përgjegjësin më të madhe në menaxhimin e procesit zgjedhor, dhe të mbizotërojnë interesat kombëtare ndaj atyre personale, dhe ta kuptojnë që çdo defekt që ndodh në këtë proces zgjedhor do të jet një hije e zezë për zgjedhjet tjera të ardhshme, siç do të ndikoj negativisht në legjitimitetin kushtetues dhe popullor të tyre".

OPOZITA NË EGJIPT

Fatkeqësisht qeveria as që ua vuri veshin thirrjeve tona dhe të atyre individëve të sinqertë dhe fanatik ndaj interesave kombëtare, nga forcat politike dhe popullore të ndershme që kanë dashuri të sinqertë për Egjiptin dhe popullin e tij, por ndodhi e kundërta, mbizotëruan interesat e përfituesve vetjak dhe të korruptuarve, ndaj interesave të kombit dhe të qytetarit, por edhe ndaj ardhmërisë së Egjiptit në përgjithësi.
Dhe kjo qeveri veproi atë që deshi që atëherë kur u sprovua Egjipti me të, duke e falsifikuar dëshirën e shoqërisë, dhe duke manipuluar me zgjedhjet e tyre, derisa i përfshiu gënjeshtra dhe devijimi ndaj të gjithëve, saqë falsifikimi u bë veçori shoqëruese e kohës moderne.

Dhe të gjithë e kujtojnë atë që tha i dërguari i Allahut [paqja qoftë mbi të] : " Prej mëkateve më të mëdha janë: "Të bërit shoq Allahut (shirku) dhe mosmirënjohja ndaj prindërve", ishte i mbështetur dhe u drejtua pastaj tha: "si dhe gënjeshtra, si dhe gënjeshtra, si dhe dëshmia e rrejshme" dhe vazhdoi ta përsëris atë, sa që thamë “ah sikur të heshte”.
E gjithë kjo për gënjeshtrën ndaj të drejtës së individit, e si do të jet gjendja për ata që e falsifikojnë dëshirën e shoqërisë dhe i abuzojnë të drejtat e tyre, dhe e shkatërrojnë ardhmërinë jo vetëm të një gjenerate por të gjeneratave me radhë.

Është bërë sistemi qeverisës opozita e vërtetë e aspiratave të shoqërisë dhe zgjedhjeve të tyre, duke mohuar të drejtat e tyre që ua siguron kushtetuta dhe ligji, duke i hedhen ato për toke, duke mos i interesuar e drejta e tyre, e as drejtësia, dhe duke mos u kujdesur për atëdheun dhe bashkëkombësit e vet.
Ajo çfarë ndodhi në zgjedhjet parlamentare të dielën e kaluar prej shkeljeve, krimeve dhe shpërfilljes së vendimeve të Gjykatës është argumenti më i fortë për këtë që po flasim.
Le ta dijë kjo qeveri dhe bashkëpunëtorët e tyre se ne dhe çdo lëvizje e gjallë politike në Egjipt, do ti ndjekim ata dhe çdonjërin i cili ka kontribuar në falsifikimin e dëshirës së shoqërisë nëpërmjet ligjit, mediave dhe popullit, kurse përdorimi i shkopit të vrazhdët të policisë është lojë me zjarr, veprim i papërgjegjshëm, nga një sistem që e ka humbur vetveten, nuk posedon as nivelin më të ulët të ndërgjegjes dhe ndjenjave kombëtare. Siguria shtetërore dhe policia nuk është ngritur përpos që ta mbrojë shtetin dhe qytetarin, për përhapjen e drejtësisë dhe mbrojtjen e të drejtave e barazive në mesin e njerëzve në përputhje me ligjin.

Shkeljet dhe krimet të cilat i ka bërë qeveria, duke falsifikuar dhe manipuluar, dhe shpërfillur vendimet e Gjykatës, duke u mburrur me këto veprime saqë çështja ka arritur deri te sulmi dhe keqtrajtimi i disa gjykatësve në disa zona, është një dëshmi e qartë për dobësinë e kësaj qeverie, çoroditjen e saj, si dhe pamundësinë e saj për ta pranuar tjetrin dhe bashkëjetesën me të. Kjo e ka shtyrë të ndjek një politik sistematike – por të dështuar – që të eliminoj çdo forcë aktive në shoqëri, e veçanërisht lëvizjen Vëllezërit Musliman.

Atë të cilën e ka vepruar qeveria është një hallkë prej zinxhirit të jo legjitimitetit, nga e cila ia kemi tërhequr vërejtjen më parë, sepse çdo gjë që ndërtohet mbi të pavërtetën është e rremë, dhe këto zgjedhje janë të papranuara në shumicën e zonave, të cilat e diskreditojnë vlefshmërinë e çdo vendimi që nxirret prej këtij parlamenti.

KY ËSHTË OBLIGIM

Vëllezër dhe motra të nderuara!

Ajo çfarë ka ndodh e përforcon atë që e ka vendos Islami dhe besojnë në të Vëllezërit Musliman se politika dhe morali janë homogjen dhe të pandara në besimin tonë dhe programin tonë, sepse politika për ne është mirëbesim, besnikëri, respekt, sinqeritet, objektivitet, sakrificë, dhe kontribut, e jo gënjeshtër e mashtrim, tradhti, përfitim e korrupsion, dhe për këtë çdoherë themi se “Islami është zgjidhja”, sepse ai e ngjallë ndërgjegjen dhe e ngrit moralin, thanë: "Nuk ka fe në politikë dhe nuk ka politikë në fe" që të mund të korruptojnë, falsifikojnë dhe ta abuzojnë dëshirën e popullit, që ti mbizotërojnë pasuritë e vendit dhe të neglizhojnë në sovranitetin dhe nderin e tij.

Politika në konceptin tonë është përkujdesja për çështjet e përgjithshme, përkujdesja për reformimin dhe përmirësimin e vendit dhe zgjidhjen e problemeve të popullit, avancimin e tij, veprim në rilindjen e vendit, dhe për këtë, kjo nuk është vetëm zgjedhje, për këtë do të vazhdojmë të veprojmë në këtë hapësirë. Në vazhdimësi do të orvatemi që ta përforcojmë pozitën e Egjiptit në nivel regjional si dhe në atë botëror, duke u nisur nga konceptet tona dhe synimet tona.

Vëllezër dhe motra të nderuara!
E kemi zgjedhur rezistencën ndaj vështirësitë dhe përmbushjen e obligimit. Po... ky është obligim, dhe obligimi ynë - si Vëllezër Musliman - është ti demaskojmë padrejtësitë dhe zullumqarët, falsifikimin dhe manipuluesit, dhe të përballemi me ta sa do që të jenë sakrificat dhe pengesat si adhurim ndaj Allahut dhe dashurisë ndaj Egjiptit dhe popullit të tij të ndershëm, kurse atë që e vepron qeveria e tanishme prej krimeve, padrejtësive, tiranisë, falsifikimeve e manipulimeve..., e gjithë kjo do ti kthehet atyre, dhe do t’i bartë këto mëkate dhe mëkatet e atyre që punojnë nën hijen e saj.
Përkundër të gjithave, ne do të vazhdojmë rrugën tonë paqësore. Askush nuk mund të na largojë që të reagojmë ndaj kundërshtarëve të ligjit dhe kushtetutës në dëm të sigurisë dhe stabilitetit të vendit, sepse rruga jonë është e qartë, lëvizjet tona janë të peshuara mirë, e nuk do të devijojmë prej tyre, por do të këmbëngulim dhe do të luftojmë për të drejtat kushtetuese, që t'ia realizojmë lirinë dhe zhvillimin Egjiptit dhe qytetarëve të tij.

FALËNDERIM OBLIGATIV

E falënderojmë thellësisht popullin e ndershëm të Egjiptit, i cili doli ditën e zgjedhjeve dhe i duroi shqetësimet dhe padrejtësitë. E shprehu mendimin e tij ndaj kandidatëve të tij, e paraqiti dashurinë dhe përkrahjen për kandidatët tonë burra e gra e edhe ndaj kandidatëve tjerë të ndershëm. Le të sigurohen se Allahu i ka shikuar ata prej mbi shtatë qiejtë, dhe shpërblimin e kanë fituar me lejen e Allahut.
E drejta e tyre e grabitur dhe dëshira e tyre e plaçkitur nuk do të humbet me lejen e Allahut, por do të vazhdojmë me procesin e reformave derisa të realizojmë aspiratat tona në përgjithësi.

O ju Vëllezër Musliman dhe ju o Motra Muslimane!

Ju e keni kryer atë që kërkohej nga ju, jeni shfajësuar nga Allahu, dhe e keni fituar shpërblimin prej Allahut me lejen e Tij, vazhdoni t’i rezistoni padrejtësive dhe zullumqarëve, përforconi radhët e juaja, përmirësoni lidhjet e juaja me Zotin tuaj, kryeni obligimin tuaj, duroni dhe veproni me fjalën e Allahut të madhëruar: "O ju besimtarë, bëni durim, bëhuni të qëndrueshëm kundër armikut, rrini të përgatitur dhe, që të shpëtoni, ruajuni dënimit të All-llahut."[Ali Imran; 200]

Vazhdoni në shërbimin tuaj ndaj shoqërisë, ofroni atyre çdo ndihmë që mundeni, mos ua keni frikë të padrejtëve e as të korruptuarve e manipuluesve me dëshirën e popullit, sepse Allahu do të jet me ju. "All-llahu është mbizotërues i punës së Vet, por shumica e njerëzve nuk e dinë (fshehtësinë e çështjeve)." [Jusuf; 21]

VËLLEZËRIT E MI KANDIDAT DHE MOTRAT E MIA KANDIDATE...
Ta dini se humbës i vërtet është ai i cili falsifikon dhe manipulon, ai i cili i di rezultatet e vërteta nga kutitë e votimit. Humbës është ai i cili kërkon përforcim prej policisë ndaj qytetarëve, ai i cili nuk i respekton vendimet e gjykatës, dhe kërkon ndihmën e ushtrisë që ta terrorizoj popullin.
Me të vërtet e keni kryer besën e dhënë ashtu si i ka hije. Nuk synojmë të ju lavdërojmë tek Allahu. Ju luajtët rolin tuaj ashtu siç shpresonim në ju, e vërtetuat se sa shumë e duan njerëzit thirrjen tuaj, dhe se sa është thelluar e rrënjëzuar thirrja islame në mesin e shoqërisë. Vazhdoni me bekimin e Allahut në rrugëtimin tuaj thirrës, në aktivitetet e juaja shoqërore dhe në shërbimin e bijve të Egjiptit në përgjithësi. Bëhuni ndihmëtarët e tyre më të mirë kundrejt autokracisë së qeverisë, dështimit të tyre dhe padrejtësive të tyre.
Ta dini se Allahu nuk e humb shpërblimin e atij që vepron mirë:
"All-llahu është mbizotërues i punës së vet, por shumica e njerëzve nuk e dinë (fshehtësinë e çështjeve)." [Jusuf; 21]
Allahu është më i Madhi dhe Atij I takon lavdërimi.
Zoti ynë dërgo përshëndetjet tona për të Dërguarin Tënd, familjen e tij dhe shokët e tij.
Falënderimi i takon All-llahut, Zotit të botëve.