Admin
Administrator
Numri i postimeve : 8520
Data e regjistrimit : 02/07/2009
Mosha : 42
Nacionaliteti-Sheti : Tetovë-Maqedoni
 | Titulli: Mbulesa Islame në Itali  Tue 6 Sep 2011 - 14:45 | |
|  Gjatë vikendit të kaluar, më konkretisht nga data 23-25 të këtij muaji, isha në Itali për një vizitë zyrtare në një seminar të organizuar nga Unioni i Shqiptarëve Musliman të Italisë, “UAMI”, të mbajtur në qytetin Udine afër Venecisë. Aty ishin mbledhur shqiptarë nga e gjithë Italia. Shumica e tyre ishin nga Shqipëria. Kishte edhe nga Kosova e Maqedonia. Ata kishin ardhur me familje për ta kaluar pushimin që e kishin për hir të festës së “pashkëve”, e të njëjtën kohë kishin organizuar një seminar në të cilin kishte ligjërata, programe të ndryshme sportive, takime, etj. Kishin ftuar mysafirë nga Shqipëria, e nga Kosova, e nga Kosova i ftuar isha unë, me ç’rast mbajta disa ligjërata. Kaluam shumë mirë, ishim bashkë tërë kohën në ligjërim, ndej, ushqim, shëtitje... Vërtetë një organizim i mrekullueshëm nga çunat e Shqipërisë, të cilët meritojnë një falenderim të veçantë që janë bërë shkak për t’i bashkuar gjithë atë rini dhe ato familje, për t’i kaluar tri ditë bashkë, për t’u ç’mallur, për t’i qarë hallet së bashku, për të diskutuar e debatuar për temat më të ndryshme të cilat i’u interesojnë mërgatës sonë. Një gjë çka më ra në sy e që më pëlqeu shumë ishte numri shumë i madh i studentëve shqiptarë që studionin në Itali në shkenca të ndryshme, e që është ndryshe nga vendet tjera europiane, ku mërgata jonë vetëm punon e shumë pak studion. Pas ligjërimit një femër mori fjalën, dhe pasi u prezantua, filloi të shprehet në gjuhën italiane ku falënderoi organizatorët, hoxhallarët apo ligjëruesit dhe filloi të flasë disa fjalë për identitetin e femrës myslimane në Itali. Pas përfundimit të ligjëratës, kërkova nga orgazinatorët që të më bëjnë të mundur një takim me te Ajo pranoi me kënaqësi, zhvilluam një bisedë për një orë gati. Ajo quhej Irene Amina Rikotta. Ishte nga Sicilia dhe filloi të tregoi për islamin e saj ku thoshte se: “asnjëherë nuk më ka pushuar zemra në trinitetin e pretenduar nga prijësat tanë fetarë, dhe qysh si e vogël kundërshtoja, dhe vetëm për hatër të familjes e mbaja fenë tonë. Në moshën 23 vjeçare takova një maroken dhe kuptova se ai ishte me ramazan, duke agjëruar. Të njejtën natë pash një ëndërr se edhe unë isha duke agjëruar, derisa në realitet unë nuk dija se çka është agjërimi. Nuk kaloi kohë e gjatë dhe erdhën disa tunizian afër nesh të banonin. Fillova të kontaktoj me gratë e tyre dhe çuditesha sesi ato ishin aq të qeta e të lumtura. Me gjithë problemet e shumta që kishin, ato falin namazin dhe ishin të devotshme. Në bisedë me to fillova t’i pyes për urtësinë e lumturisë së tyre, e ato më treguan se ajo urtësi gjendet në Kur’an. Bëmë një debat me to dhe ato ma ofruan Kuranin për t’a lexuar. Lexova diç nga surja Bekare dhe çdo gjë ndryshoi tek unë. Më dukej sikur u bëra një tjetër njeri. Shqiptova shehadetin (dëshminë) dhe u bëra muslimane. Më pas fillova të interesohem edhe më shumë për këtë fe, për vlerat e saj dhe çdo ditë zbuloja diç të re në te. Kënaqesha duke lexuar dhe kuptuar madhështinë e kësaj feje. Fillova t’a praktikoj namazin, e më pas vendosa edhe mbulesën. Për këtë të fundit pata shumë vështirësi nga e ëma e cila më kundërshtonte, por i’a arrita fal Zotit. Më lindi ideja ta studioj edhe gjuhën arabe. Studiova arabishten dhe tani flasë ngapak”.
Irene tash punon në një shoqatë për mbrojtjen e të drejtave të muslimanëve në Itali në cilësinë e zëvendes presidentës së shoqatës, shoqatë kjo e përbërë nga muslimanët italian. Në këtë shoqatë, mundohen t’i avancojnë muslimanët, t’ju tregojnë organeve të ndryshme shtetërore se nuk ka frikë aspak nga islami dhe se kjo fe ka vlera të mëdha. Ajo është një fe shumë e përparuar. E, prej obligimeve të islamit është edhe mbulesa, e cila aspak nuk bie ndesh me kushtetutën e vendit. Mbulesa në Itali nuk është e ndaluar me ligj. Atje çdo vajzë që dëshiron, mund të mbulohet si në shkollat fillore e të mesme, ashtu edhe në universitet. Rrallë herë ndodhë të ketë problemë ndonjë vajzë për shkak të mbulesës, dhe atë për shkak të sjelljes së keqe të drejtorit, apo mësuesit, por prapë se prapë gjyqi i jep të drejtën e mbulesës. Kështu që mbulesa në këtë vend europian me shumicë absolute të krishterë, thuajse veç është çështje e zgjedhur, ndërsa tek ne, me mbi 90% të popullit me besim islam, shamia ende mbetet një problem shumë i madh, e që paraqet një diskriminin fatal ndaj femrës muslimane shqiptare. Deri kur do të mbledhin mend qeveritarët tanë? Edhe sa kohë duhet të kaloi për ta jetuar edhe ne muslimanët të drejtën tonë? A do ta mbaj kjo qeveri e përbërë nga ky koalicion premtimin e dhënë se do ta zgjedhin këtë problem sa më shpejt që është e mundur!? Të gjitha këto pyetje shumë herë po më sjellën në kokë, në veçanti kur dal jashtë vendit dhe shoh liri më të madhe fetare sesa në vendin tim. Nga Italia e deri në Norvegji, e nga Kanadaja e SHBA-t, deri në Japoni, bile duke futur edhe Moskën, femra muslimane ka liri më të madhe sesa te ne në Kosovë. Në të gjitha ato vende ku muslimanët janë të ardhur, nuk janë vendas, kanë më shumë të liri e të drejta fetare sesa tek ne që jemi muslimanë autokton.
Muslimanët kanë më shumë liri gati në të gjitha vendet sesa në Kosovën tonë të cilën e çliruam me gjak. E, unë nuk e di atëherë, ku janë vlerat e lirisë, synimeve tona për një Kosovë të lirë, për një jetë të qetë e stabile, ku nuk diskriminohet askush, por të gjithë i gëzojnë liritë dhe të drejtat e veta!? Kjo më bënë të merzitem, por megjithate, nuk do të dëshprohem, sepse jam shumë i bindur që edhe te ne, do të zgjidhet ky problem, dhe atë sa më shpejt. Shumë shpresoj që brenda këtij viti të ndodh kjo, inshaAllah.
Kthehemi te Irene, e cila vet është e mbuluar, e thotë se kam edhe njëqind shoqe italiane të konvertuara që mbajnë mbulesën. Të gjitha ato janë shumë krenare që kanë përqafuar fenë islame dhe që mbajnë mbulesën. Ajo thotë se në Itali ka prej 50-60 mijë italian të konvertuar në islam, natyrisht të të dy gjinive, ndërsa numri i muslimanëve në tërësi, është diku rreth 2.5 milion. Vetëm shqiptarët janë mbi 600.000 (gjashtëqindë mijë). Jeta e tyre fetare dhe ajo kombëtare është shumë pak e organizuar, ndoshta se Italia është shumë e madhe dhe shqiptarët janë të shpërndarë, apo mund të jetë edhe ndonjë shkak tjetër, si do që të jetë ata janë vëllezër dhe motra tona, kemi obligime ndaj tyre. Allahu i ruajt ata shqiptarë, ata musliman atje në Itali, këtu tek ne dhe kudo qofshin në botë! Allahu ua dhashtë të mbarën të gjithëve.
Amin,
Kaq kisha për këtë javë dhe deri javën e ardhshme, selam alejkum. | |
|
