E folura e foshnjës

Në kohën e Muhammedit a.s. jetonte një grua e cila nuk e donte fare Rasulullahun a.s. dhe nuk linte fjalë të keqe pa e thënë për të.
Një ditë gruaja kishte dal së bashku me djalin e saj 2-3 muajsh, gjatë rrugës pas Rasulullahun a.s. dhe mendoi ta fyente. Por përpara se të fillonte të fliste ajo, filloi të flasë foshnja në duar, i cili duke parë Rasulullahun tha:
- "Selam për ty o i dërguari i Allahut!"
Gruaja ngriu në vend nga çudia. Rasulullahu i'u drejtua foshnjës duke buzëqeshur dhe i tha:
- Nga e di që unë jam i dërguari i Allahut? Kush të ka mësuar ty emrin tim dhe të babait tim?"
Fëmija tha: "Mua këto m'i ka mësuar Krijuesi i botës, Allahu. Ai Allah që krijon çfarë të dëshirojë."
Foshnja pushoi pak pastaj filloi të fliste përsëri:
- " O i dërguari i Allahut bëj dua për mua që të bëhem unë shërbyesi yt në xhennet!"
Pejgamberi a.s. bëri dua për foshnjën. Foshnja që mbeti i kënaqur nga kjo filloi të flasë përsëri: "Sa me fat është ai që të beson ty dhe bëhet besimtarë dhe da fatkeq është ai që nuk të beson ty dhe bëhet mohues! Allahu do t'i poshtërojë ata edhe në këtë botë edhe në ahiret."

Pasi tha këto foshnja ra në shehadet dhe dha shpirt. Gruaja zuri mend nga ngjarja e çuditshme që pa, u bë menjëherë muslimane dhe duke qarë tha: "Më fal o Rasulullah! Jam shumë e pikëlluar për jetën time që e kam kaluar si mëkatare."
Rasulullahu u kthye nga gruaja dhe i tha: "Po të jap lajmin e mirë! Tani po shoh shumë engjëj që po e sjellin qefinin tënd nga xheneti."
Gruaja sapo dëgjoi këto fjalë menjëherë dha shpirt duke rënë në shehadet, ashtu si foshnja e saj.