![[Lajmet Ditore] Schulz tërbon izraelitët Immagi10](https://i.servimg.com/u/f57/14/06/96/38/immagi10.png)
Presidenti i Parlamentit Europian,Martin Schulz, ka zemëruar disa nga deputetët e djathtë në parlamentin izraelit, Knesset, pasi mbajti një fjalim në lidhje me marrëdhëniet Palestinë- Izrael. Fjalimi i tij solli tërbimin e përfaqësuesve të partisë Bayit Yehudi. Ministrja e Ekonomisë, Naftali Bennett, bashkë me kolegët e saj, braktisën sallën duke thirrur: "Turp, turp". Në fjalën e tij, Schulz tha se palestinezët kanë të drejtën për vetëvendosje.
Duke folur për Gazën, ai tha: "Palestinezët duan të jetojnë në liri dhe të kenë liri të pakufizuar lëvizjeje". Por kur ai deklaroi në parlament se një izraelit merr 70 litra ujë, ndërkohë që një palestinez vetëm 17, plasi edhe revolta.
Edhe pse Schulz tha se nuk i ka të provuara këto shifra, deputetët nisën të thërrasin kundër tij. "Turp, ju përkrahni këdo që është kundër hebrenjve". Pak më vonë, Bennett shkroi në Facebook: "Nuk toleroj propagandë mashtruese kundër Izraelit në mes të parlamentit tonë. Sidomos jo në gjuhën gjermane".
Edhe kryeministri Benjamin Netanjahu tha se Schulz e sheh konfliktin në këtë rajon në mënyrë të njëanshme. Një deputet i partisë së Netanjahut shkoi më larg kur deklaroi: "Unë nuk mora pjesë në këtë fjalim, pasi është e papërshtatshme të dëgjosh një frali në parlamentin hebre në atë gjuhë, që prindërit tanë e kanë dëgjuar nëpër krematoriume".
Vetë Schulz tha se këta deputetë që u larguan nga salla janë pikërisht ata që e kanë sulmuar ashpër edhe Sekretarin e Shtetit, John Kerry. (tema)
![[Lajmet Ditore] Schulz tërbon izraelitët Empty](https://2img.net/i/fa/empty.gif)
Thu 23 Mar 2023 - 2:31 nga 
