[Lajmet Ditore] Davutollu kritikon ashpër sulmet izraelite në al-Aksa

Kryeministri i Turqisë, Ahmet Davutollu (Ahmet Davutğlu) ka kritikuar sot në Stamboll ashpër politikat diskriminuese të shtetit të Izraelit ndaj xhamisë Al-Aksa në Jerusalem. Në fjalën e tij në kongresin e Partisë AK organizuar në lagjen Bahçelievler të Stambollit Davutollu iu drejtua delegatëve të partisë duke thënë se janë duke e ndjekur nga afër situatën në Jerusalem, ku ushtria dhe policia izraelite po ndjekin një politikë diskriminuese ndaj xhamisë Al-Aksa dhe besimtarëve që e frekuentojnë atë. “Prej shekujsh e ruajmë Jerusalemin si dritën e syve pasi Stambolli mbart vlera nga Jerusalemi, ashtu siç ka në Jerusalem gjurmë të Stambollit. Këto lidhje të ngushta nuk mund ti kuptojë dhe sqarojë askush” tha ai.“Ne jemi shërbyesi i çdo grimce dheu të Jerusalemit. Jemi mbrojtësi i Jerusalemit. Kushdo që mundohet të prishë Jerusalemin dhe kushdo që mundohet të dëmtojë qabenë tonë të parë xhaminë Al-Aksa duhet ta dijë që mbrojtja e tyre është detyrë hyjnore për ne” theksoi Davutollu. (mediat):

[Lajmet Ditore] Davutollu kritikon ashpër sulmet izraelite në al-Aksa :: Komentet