[Lajmet Ditore] Turqia ndihmon vendet afrikane ne luften kunder Eboles

Presidenti turk Rexhep Tajip Erdogan njoftoi se do të kontribuoj me 5 milion dollarë për ti ndihmuar Afrikës në luftën kundër epidemisë Ebola. "Ne do të rishikojmë bashkëpunimin në fushën e shëndetësisë, dhe kjo është shumë e rëndësishme, pasi këto janë kohëra mjaft të vështira," deklaroi Erdogan gjatë fjalës së tij në takimin me lider afrikan në e Samitin e Dytë Afrikë - Turqi. Samiti tre-ditor, i cili nisi të mërkurën në kryeqytetin e Guineas, Malabo, pritet të diskutojë planet dhe objektivat për partneritet mes Turqisë dhe Afrikës, gjatë pesë viteve të ardhshme. Epidemia Ebola e cila u shpërnda në kontinentin afrikan është shpërthimi më i madh në histori. Organizata Botërore e Shëndetësisë e ka përshkruar Ebolan si "një nga virusët më virulent në botë”. Sëmundja ka vrarë së paku 4877 njerëz që nga fillimi i muajit shkurt të këtij viti, në vende si Liberia, Sierra Leone dhe Guinea, të cilat u goditën më së rëndi. /mesazhi/:

[Lajmet Ditore] Turqia ndihmon vendet afrikane ne luften kunder Eboles :: Komentet