foto_spital_3_588008546.jpg)
Agim Tanallari, 31 vjeçari nga Rashça ka ndërruar jetë mbrëmë para mesnate, pas plagëve të rënda që mori nga sulmi i armatosur nga një grup personash të maskuar në rrugën Rashçe Radushë të Shkupit.
31 vjeçari i shoqëruar nga babai i tij derisa po udhëtonin me makinën e tyre drejt shtëpisë u sulmuan dje nga gjashtë persona të armatosur me maska, me ç`rast plumbat i shkaktuan plagë të rënda dhe menjëherë ishte dërguar në Klinikën e Shkupit. Trupi i pajetë është dërguar për obduksion, ndërsa MPB bëri të ditur se është vënë në kërkim të autorëve të këtij sulmi, pasi si pistë e parë e dyshimit është grabitja.
Agim Tanallari ishte pronari i këmbimores "Vrella" në Shkup. Policia theksoi se dy makinat e vrasësve u gjetën në bazenin artificial të peshqëve në Radushë, derisa vrasësit kanë ikur në drejtim të panjohur. /ina/
Thu 23 Mar 2023 - 2:31 nga 
